Join us on Facebook

Please wait.. 10 Seconds Cancel
இந்த செய்திகள் எல்லாம் பல்வேறு மின் இணையதில் இருந்து சேகரிக்கபட்டு இருக்கிறது. நோக்கம், இந்த செய்திகள் எல்லாம் எல்லா மக்களையும் சென்றடைய வேண்டும். இந்த மின் இணையதில் பிறர் கருத்துகள் இடம் பெற்று காயபடுதுவதாக அல்லது தனிப்பட்ட கருத்தாக இருந்தால் சொல்லிவிடுங்கள் நீக்கி விடலாம். மேலும் இத்தளத்தில் உள்ள தகவல்களுக்கு உண்மை தண்மை கூற இயலாது இத்தகவல் மின்வாரியத்தில் பணியாற்றும் ஊழியர்களுக்கும் பொதுமக்களுக்கும் பயன்படும் நோக்கில் வெளியிடப்படுகிறது

தங்கள் பகுதியில் நடைபெறும் வாரியம் தொடர்பான தகவல்களை எனது ganeshtnebgobi@gmail.com ஈமெயிலுக்கு அனுப்பினால் இந்த வலை தளத்தில் வெளியிடப்படும் அதன்முலம் அனைவரும் பயனடைவர்
நேரடி நியமனம் தொடா்பான தங்கள் சந்தேகங்களை இந்த முகநுால் குழுவில் இணைந்து தெரிவிக்கவும்.
TNEB Recruitment 2015-16 https://www.facebook.com/groups/1662721517343327/

Jan 27, 2013

மின் வாரிய பணிக்கு மாற்றுத்திறனாளி:ஐகோர்ட் உத்தரவு


சென்னை:"மின் வாரியத்தில், உதவிப் பொறியாளர் பணிக்கான நேர்முகத் தேர்வுக்கு, மாற்றுத் திறனாளியை அழைத்து, தேர்ந்தெடுக்க வேண்டும்' என, சென்னை ஐகோர்ட் உத்தரவிட்டு உள்ளது.மாற்றுத் திறனாளியான கணேசன் என்பவர், ஐகோர்ட்டில் தாக்கல் செய்த மனு:பொறியியல் பட்டம் பெற்றுள்ளேன். உதவிப் பொறியாளர்களுக்கான, 600 பணியிடங்களுக்கு தேர்வு செய்வதற்காக, தமிழக மின் வாரியம், நடவடிக்கை எடுத்தது. இதற்கான அறிவிப்பும் வெளியிடப்பட்டது. மாற்றுத் திறனாளிகளுக்கான, 3 சதவீத ஒதுக்கீடு பற்றி, அறிவிப்பில் கூறப்படவில்லை. 

முன்னுரிமை பிரிவின் கீழ், என் பெயரை அனுப்பும்படி, வேலைவாய்ப்பு அலுவலகத்துக்கு உத்தரவிட வேண்டும். நேர்முகத் தேர்வுக்கு, என்னை அழைக்கும்படி உத்தரவிட வேண்டும்.இவ்வாறு, மனுவில் கூறப்பட்டு உள்ளது.மாற்றுத் திறனாளிகளுக்கான உரிமைகள் சங்கத்தின், மாநிலச் செயலர், நம்புராஜன் என்பவர் தாக்கல் செய்த மனுவில், "உதவிப் பொறியாளர்கள் தேர்வு தொடர்பான அறிவிப்பை, ரத்து செய்ய வேண்டும். சட்டத்தில் கூறியுள்ளபடி, 3 சதவீத ஒதுக்கீட்டை அமல்படுத்தி, புதிய அறிவிப்பாணை வெளியிட, உத்தரவிட வேண்டும்' என, கூறப்பட்டு உள்ளது.மனுவை, நீதிபதி அரிபரந்தாமன் விசாரித்தார். மனுதாரர்கள் சார்பில், வழக்கறிஞர் எம்.கிறிஸ்டோபர் ஆஜரானார். 

மனுவை விசாரித்த நீதிபதி அரிபரந்தாமன் பிறப்பித்த உத்தரவு:மின் வாரியம், கடந்த ஆண்டு நவம்பரில், 3 சதவீத ஒதுக்கீடு வழங்கி, நடவடிக்கை எடுத்துள்ளதால், சங்கம் சார்பில் தாக்கல் செய்த மனு மீது, உத்தரவு பிறப்பிக்க தேவையில்லை. கணேசன் என்பவர் தாக்கல் செய்த மனுவை விசாரித்த ஐகோர்ட், உதவிப் பொறியாளர் பணியிடம் ஒன்றை, காலியாக வைத்திருக்க, இடைக்கால உத்தரவிட்டிருந்தது.எனவே, உதவிப் பொறியாளர் பணிக்கான, நேர்முகத் தேர்வில் கலந்து கொள்ளும்படி, கணேசனுக்கு அழைப்பு விடுக்க வேண்டும். அவருக்கு தகுதியிருந்தால், ஒதுக்கப்பட்ட காலி இடத்தில், அவரை தேர்ந்தெடுக்க வேண்டும்.இவ்வாறு, நீதிபதி அரிபரந்தாமன் உத்தரவிட்டு உள்ளார்.

Post a Comment